មូលហេតុដែលបណ្តាលឲ្យមានដង្កូវពណ៌ស​​​តូចៗចេញតាមទ្វារលាមកកុមារ

Posted by អំពីយើង on 11/20/12


ដោយ៖ ហេង នាង


ព័ត៌មានសុខភាព


តាមការឲ្យដឹងពីលោកវេជ្ជបណ្ឌិត ជំពូកដង្កូវសតូចៗទាំងនេះ ខ្មែរយើងហៅថា អៀន វាមានប្រវែងពី៣ ទៅ១០សង់ទីម៉ែត្រ ចាក់សម្បុករស់នៅក្នុងពោះវៀនធំ។ ដង្កូវតូចៗពណ៌សទាំងនេះ មាននៅម្ដុំរន្ធទ្វារលាមក និងនៅក្នុងលាមក។





ព្រោះថាអៀនញីបានចុះពីពោះវៀនធំ មកពងនៅក្បែរទ្វារលាមក បណ្ដាលឱ្យកុមារមានអារម្មណ៍រមាស់រន្ធទ្វារលាមក សម្រាប់កុមារី អាចឆ្លងទៅរមាស់ដល់ទ្វារមាសទៀតផង។ រមាស់ច្រើនតែកើតឡើងនៅពេលក្បាលព្រលប់។ លើសពីនេះមានរោគសញ្ញាផ្សេងទៀត ដូចជាឈឺពោះ ទល់លាមក រាគជាដើម។


ដើម្បីបង្ការការពារកុំឱ្យឆ្លងអៀន ត្រូវមានអនាម័យ គឺលាងដៃឱ្យស្អាតក្រោយពេលបន្ទោរបង់លាមករួច ឬមុនទទួលទានអាហារ និងកាត់ក្រចកដៃក្រចកជើងឱ្យខ្លី។ សូមនាំកូនទៅជួបជាមួយគ្រូពេទ្យ ដើម្បីទទួលការព្យាបាលដោយលេបថ្នាំសម្លាប់អៀន៕